February 1, 2023
Portali Shprehja

Mitropoliti rus, vizitë në Kishën Ortodokse Maqedonase

Mitropoliti rus Antoni, përgjegjës për marrëdhëniet diplomatike në Kishën Ortodokse Ruse, ka mbërritur sot në Shkup për një vizitë në KOM. Pas takimit me kreun e Kishës, Antoni u shpreh shkurtimisht se erdhi në vend për të uruar personalisht kreun për festën e emrit dhe për të përcjellë urimet nga Patriarku rus Kirili. Në mbledhjen në Sinod, mitropoliti shoqërohej nga ambasadori i Federatës Ruse në vend, Sergej Bazdnikin. Kjo është vizita e parë e një kleriku të lartë rus që kur Kisha Ortodokse Ruse e njohu KOM-in si kishë autoqefale. Më shumë detaje nga takimi nuk janë bërë të ditura. Mitropoliti Antoni ka vizituar së fundmi Serbinë dhe Bullgarinë. Një pjesë e mediave shkruajnë se ai ka ardhur në Shkup për të bindur peshkopët maqedonas që të mos negociojnë me Patriarkanën Ekumenike në Stamboll dhe të jenë në linjë me KOR. /Alsat.mk

.

Të Ngjajshme

Taravari: për ASH-në mbetet prioritet lufta kundër korrupsionit dhe funksionimi i shtetit të së drejtës

Sevilja forcohet me lojtarë nga Totenhami dhe Marseja

Grupi i Zjarrit në Kërçovë: Ahmetin e mbrojmë vetëm ne

Leave a Comment