November 29, 2020
Portali Shprehja

Monika Kryemadhi: ‘Durrësi është vjedhur në 30 vite’

Gjatë një takimi me gratë e LSI në Durrës, Kryetarja e LSI, Monika Kryemadhi ka diskutuar me to për zgjedhjet e 25 prillit dhe s’ka kursyer madje as mesazhet kundër Ramës.

‘Politika shqiptare, në 30 vite nuk ka pasur asnjë plan për Durrësin, por vetëm vjedhje e grabitje’, ka theksuar Kryemadhi.

Kryetarja e LSI-së ka kërkuar vote e tyre dhe ka theksuar se më 25 prill duhet ndryshuar situata teksa ka bërë thirrje që të votohet kundër Ramës, pasi sipas saj nuk është një kryeministër i Shqipërisë por një sharlatan që duhet larguar një orë e më parë.

“Zgjerimi i strukturave të LSI nuk është një metodë që bëhet para zgjedhjeve, por është e domosdoshme. Lëvizja rinore dhe e grave janë dy shtylla të LSI. Në jetën e çdo qytetarë, gruaja është elementi që jo vetëm krijon vazhdimësinë e familjes, por i del për zot fëmijëve, i edukon, i del për zot bashkëshortit, prindërve.

Si në familje është gruaja e domosdoshme, ashtu dhe në një parti, gruaja është avangarde. Pjesa më e madhe për të thirrur gratë në parti, shihet rezultati, por unë s’prirem më shumë rezultati, për mua s’ka më shumë rëndësi vota se sa mirqënia në familjen tuaj. Një nga plagët më të mëdhaja tona është largimi i të rinjve dhe të rejave. Isha në Fier, dhe të rinjtë nuk donin të ktheheshin më. Takova gratë naftëtare që kanë prej 36 vitesh që punojnë. Paradoksi më i madh që atyre grave nuk i janë paguar prej 20 muajsh rrogat, kurse nëse s’paguanin për dy ditë ujin dhe dritat, ato u ndërpriteshin.

Nafta çohet jashtë vendit për një çap bukë, kurse shqiptarët i shihni. Por çfarë shohim, politika shqiptare s’ka patur asnjë plan për Durrësin. Grabitja e Durrësit, për të vjedhur, për të lënë jetim qytetin dhe banorët e saj.Durrësi ot është një qytet u uzurpuar. Në administratë vijnë nga qytete të tjera dhe jo nga Durrësi, qytetarët durrsakë janë lënë jashtë. Vjen dhe sheh rrugë të bllokuara, po të futesh në rrugica do shohësh që rrugët janë jo vetëm të pashtruara, por mjafton një shi dhe sheh që fëmijët e klasave të para e kanë të pamundur të shkojnë prej pellgjeve si liqen apo llucë me baltë.

Durrësi është kthyer nga një gungë të rrethuar nga injoranca, nga zaptimi ekonomik, por është dhe e pamundur për zhvillime të reja. Duam t’i japim Durrësit imazh të ri, jo vetëm politik, por dhe një përfshirje me meritokraci që do i sillte shumë vlera Durrësit. Përfshirja juaj mos jetë vetëm politike, por edhe vendimmarrëse. Ajo që kërkojmë prej jush, jo vetëm votë për LSI, por ide dhe vizion për një projekt për Durrësin.

Kur isha fëmije dhe vija te vajza e tezes time, Durrësi ishte pika e parë e kontaktit me btën jashtë, sepse vije këtu dhe shihjë kontaktet me Italinë. Qoftë moda, qoftë ajo çfarë e sillte në Durrës e zhvillohej. Pas tranzicionit Durrësi s’ka prodhuar më art e kulturë. Ky qytet është i ndërtuar mbi monumente kulture, po shkatërrohet jo vetëm nga ana ndërtimore, por edhe ana profesionale dhe sa i përket ndërtimit të elitave.

Një grua sot në politikë e ka obligim për fëmijët e saj dhe për ta ndryshuar realitetin politik. 25 prilli është ditë e domosdoshme jo vetëm për të votuar, por për të biseduar dhe votuar kundër Ramës. Që ka grabitur çdo ditë të jetës së qytetarëve, dhe sektit që ndalon zhvillimin. Ndryshimi është i domosdoshëm. Jo për të sjellë një jetë politike, por për të rimëkëmbur integritetin dhe dinjitetin. Një kryeministër që bën pazar për Shqipërinë, nuk është më i tillë por një sharlatan që duhet larguar një orë e më parë.

Nuk di ndonjë nënë që të bëjë kompromis në kurriz të të ardhmes së fëmijëve të saj. Fëmijët tanë janë shumë më të rëndësishëm se karriera politike e Ramës. Vizioni ynë është për të ardhmen e familjes shqiptare. Një komb nuk ka qëndrueshmëri po s’pati një familje të qëndrueshme. Jemi vend i bekuar nga zoti, jemi vend mesdhetar.”- tha Kryemadhi./ Balkanweb/

Të Ngjajshme

Dita e Pavarësisë, Pompeo uron shqiptarët “në emër të qeverisë së SHBA-ve dhe popullit amerikan”

admin

Presidenti Meta: “Gëzuar Ditën e Flamurit Kombëtar, Ditën e Pavarësisë së Shqipërisë!”

admin

Ankohet Bekim Jashari: Ka dështuar shteti me Kullat e familjes Jashari

admin

Leave a Comment