April 17, 2021
Portali Shprehja

Muaj pas shërimit, personat që u përballën me Covid-19 shfaqin akoma shenja depresioni

Tre muaj nga dalja nga spitali, rreth një e treta e pacientëve të shtruar me koronavirus, vazhdon të vuajë nga çrregullime psikopatologjike si depresion, ankth, pagjumësi dhe sindroma e stresit post-traumatik, shkruan “TopChannel”.

Këto janë rezultatet e një studimi të kryer në Itali, nga ekspertët e shëndetësisë, nën koordinimin e Francesko Benedetit, psikiatër në spitalin San Raffaele të Milanos, transmeton lajmi.net.

Depresioni në vecanti, është ai që zgjat më shumë në kohë dhe shkalla e tij është e lidhur ngushtë me intensitetin e gjendjes inflamatore që pason format e rënda të koronavirusit, edhe për muaj të tërë pas shërimit.

Lajmi i mirë është e pacientët me këto forma depresive, reagojnë mirë ndaj terapive psikologjike dhe farmakologjike në dispozicion.

Studimi është vijim i një kërkimi të publikuar më herët, që kishte folur për të parën herë për pasojat psikiatrike të koronavirusit, një muaj nga dalja nga spitali.

Në bazën e intervistave klinike dhe pyetësorëve, janë ekzaminuar simptomat psikiatrike të 226 pacientëve, deri në tre muaj nga trajtimi në spital për forma të rënda të koronavirusit.

Prej tyre, 36 për qind, ose një pacient në tre, ka simptoma psikologjike. /Lajmi.net/

Të Ngjajshme

Sipas anketimeve të reja, njerëzit me këtë profesion bëjnë seks më së shpeshti gjatë javës

admin

Nuk do të ketë më patate të skuqura! Ndryshimi klimatik rrezikon kultivimin e patateve

admin

Shiu i meteorëve Lyrid do të jetë aktiv këtë javë – Mos e humbisni mundësinë ta shihni me këtë datë

admin

Leave a Comment