Ka ndërruar jetë personi i cili u godit nga një veturë para dy ditësh në Vushtrri.
Policia njofton se viktima derisa kishte zbritur nga kamioni dhe ishte duke rregulluar një ngarkesë në rimorkio ishte goditur nga një veturë në lëvizje, transmeton Telegrafi.
“Një mashkull kosovar ka pësuar lëndime të rënda trupore pasi është goditur nga një veturë në lëvizje. Aksidenti ka ndodhur kur viktima kishte zbritur nga kamioni me të cilin po udhëtonte për të rregulluar një ngarkesë në rimorkio. Viktima është dërguar për trajtim mjekësor, ndërsa më 09.09.2023 i njëjti ka ndërruar jetë në QKUK”, njofton Policia.
Me vendim të prokurorit trupi i pajetë është dërguar për obduksion, ndërsa i dyshuari është arrestuar dhe dërguar në mbajtje. /Telegrafi/
.