Një i mitur është arrestuar pasi pa dashje ka therur me thikë shokun e tij, po ashtu të mitur.
Në raportin 24 orësh të Policisë së Kosovës bëhet e ditur se rasti ka ndodhur të martën rreth orës 07:50, në Gjakovë.
Tutje bëhet e ditur se njësitë relevante policore kanë dalë në vendin e ngjarjes, thika e cila dyshohet se është përdorur është sekuestruar.
“Është arrestuar i dyshuari mashkull kosovar i mitur nën dyshimin se duke luajtur, pa dasheje e ka therur me thikë shokun e tij, viktimën mashkull kosovar i mitur. Njësitë relevante policore kanë dalë në vendin e ngjarjes, thika e cila dyshohet se është përdorur është sekuestruar”, thuhet në raport.
Po ashtu në raport thuhet se viktimës iu është ofruar tretman mjekësor.
“Në lidhje me rastin është konsultuar prokurori i shtetit i cili ka rekomanduar që pas intervistimit i dyshuari të lirohet dhe rasti të procedohet në procedurë të rregullt”, thuhet në raport. /Telegrafi/
.