February 1, 2023
Portali Shprehja

Përmbushet profecia e Hoze Mourinjos mbi Arsenalin

Arsenali duket këtë sezon në një rrugë të mbarë për të rikthyer titullin në “Emirates” plot 19 vite më pas. “Topçinjtë” udhëheqin Premier Ligwn me 8 pikë diferencë nga ndjekësit më të afërt, Man. Siti. Triumfi i fundit në derbi ndaj Totenhamit me rezultatin 2-0 ishte një tjetër provë e kaluar me sukses nga të besuarit e trajnerit Mikel Arteta që po bën një punë të shkëlqyer në drejtimin e “The Gunners”.

Mirëpo, tekniku spanjoll dhe skuadra e Arsenalit nuk janë një befasi për Hoze Mourinjon, i cili tre vite më parë kur drejtonte Totenhamin, pas një ndeshje të fituar kundër “Topcinjve” u shpreh se ata do të riktheheshin shpejt në majë.

“Taktikisht janë shumë të zotë, ishin të organizuar dhe ndërtonin me katër lojtarë e nga ana tjetër mbronin me pesë. Kanë një shpirt të madh si skuadër, na shkaktuan probleme sepse janë një ekip shumë i mirë dhe Arteta është një trajner shumë i mirë. Mediat sërish do t’i sulmojnë por unë besoj se me këta lojtarë dhe me Artetën në krye, Arsenali do të rikthehet shumë shpejt të bëjë Arsenalin”, shprehej Mourinjo para tre viteve, teksa fjalët e tij duket se përmbushen në 100% këtë sezon ku “Topcinjtë” po shkëlqejnë javë pas jave./Supersport/

.

Të Ngjajshme

Netanyahu: Prioritet i Izraelit, normalizimi i lidhjeve me vendet arabe përpara paqes me palestinezët

Boshkov: Infrastruktura e fqinjëve shumë më e mirë se e jona

Vuçiç: Nuk ka afat për miratimin e planit për Kosovën

Leave a Comment