February 26, 2021
Portali Shprehja

Polici i Kosovës i kthen qytetarit kuletën e humbur me 1 mijë e 200 euro

Dy ditë më parë, një zyrtarë policor i cili ishte në detyrë në Stacionin Policor Kufitar Kullë, ka gjetur një kuletë me një shumë të parave dhe dokumente personale, e cila tashmë i është kthyer pronarit.

Policia e Kosovës përmes një njoftimi ka bërë të ditur se kuleta i takonte një qytetari nga Skenderaj .

“Me datë 19.02.2021 zyrtari policor G.B. deri sa ka qenë ne detyrë në Stacionin Policor Kufitar Kullë, rreth orës 23:45 gjersa ishte në patrullë në këmbë në afërsi të një kompanie të sigurimeve, në rrugë ka vërejtur një kuletë. Pas njoftimit të mbikëqyrësit të tij dhe gjatë verifikimit, është konstatuar se në kuletë gjenden: letërnjoftimi i qytetarit me inicialet A.F, Komuna Skenderaj , Leja e vozitjes dhe të holla 2 x 500 Euro , 1x 100 Euro , 2 X50 Euro dhe 780 Denar të Maqedonisë së Veriut”, thuhet në njoftim.

Pas kësa, siç thuhet në njoftim, zyrtarët policorë kanë ndërmarr veprimet policore dhe kanë arritur të gjejnë dhe të vejnë kontakt me pronarin i cili ka ardhur në Stacionin Policor Kufitar Kullë dhe i janë dorëzuar kuleta me të hollat dhe dokumentet.

“Qytetari, pronari i kuletës ka falënderuar Policinë e Kosovës dhe ka shprehur mirënjohje të larta për profesionalizimin dhe punën e kryer në shërbim të qytetarëve të vendit”, thuhet në njoftim. /Telegrafi/

.

Të Ngjajshme

Vetë-aksident në Podujevë, lëndohet një person

admin

Dy aksidente trafiku brenda një ore në Prishtinë, tre të lënduar

admin

Vrau të dashurin, 18 vjet burgim për një femër në Ferizaj

admin

Leave a Comment