November 28, 2020
Portali Shprehja

Policia jep detaje për zjarrin në rrugën “Muharrem Fejza”, nuk ka të lënduar

Policia e Kosovës ka bërë të ditur se në rrugën “Muharrem Fejza”, dyshohet se është djegur një veturë dhe më pas zjarri është përhapur në objekt, ndërkaq sipas informacioneve të para nuk raportohet për persona të lënduar.

Kështu ka thënë për Telegrafin, zëdhënësja e Policisë së Kosovës për rajonin e Prishtinës, Flora Ahmeti.

“Rreth orës 14:00 e kemi pranuar informatën për një incident zjarri në një ndërtesë (garazhë) në rrugën “Muharrem Fejza” në Prishtinë. Bazuar në të dhënat fillestare nuk raportohet për persona të lënduar.  Zjarrfikësit dhe policia menjëherë kanë dalë në vendin e ngjarjes,  ku  dyshohet se fillimisht është djegur  një veturë dhe më pas zjarri është përhapur në objekt”, tha ajo.


Tym në rrugën “Muharrem Fejza”, intervenojnë zjarrfikësit
Tym në rrugën “Muharrem Fejza”, intervenojnë zjarrfikësit

Ahmeti bëri të ditur se zjarri tashmë është lokalizuar dhe se po bëhen ekzaminimet e vendit të ngjarjes.

“Zjarri është lokalizuar, për detaje rreth rastit do të njoftojeni pasi që njësitet kompetente të përfundojnë ekzaminimet e vendit të ngjarjes”, u shpreh Ahmeti. /Telegrafi/

.

Të Ngjajshme

Dorëzohen në Polici të dyshuarit për plagosjen në Milloshevë

admin

Një muaj paraburgim për të pandehurit S.V, akuzohet për dhunim

admin

Policia jep detaje për sulmin me armë në rrugën Prishtinë-Mitrovicë

admin

Leave a Comment