November 30, 2020
Portali Shprehja

Policia shqiptare nis me gjobat, për mosmbajtjen e maskave

Që prej ditës së enjte (15.10.2020) në bazë të aktit normativ, asnjë qytetar nuk duhet të dalë në ambientet e jashtme pa maskë, përndyshe do të gjobitet me një vlerë prej 3.000 lekësh.

Sipas Policisë, vetëm në ditën e parë të hyrjes në fuqi të aktit normative janë vendosur 171 gjoba në të gjithë vendin.

Njoftimi:

Punonjësit e Policisë vijojnë kontrollet në terren, për të monitoruar zbatimin e masës së re për parandalimin e përhapjes së COVID-19, mbajtjen e detyrueshme të maskës mbrojtëse, e cila është detyrim për të gjithë qytetarët, që në momentin që dalin nga shtëpia.

Gjatë kontrolleve është konstatuar që shumica e qytetarëve i kishin vendosur maskat mbrojtëse.

Në rastet kur janë konstatuar qytetarë që nuk kishin maska ose që i kishin por nuk i vendosnin në fytyrë, shërbimet e Policisë i kanë këshilluar ata për vendosjen e tyre.

Gjatë kontrolleve në të gjithë vendin, shërbimet e Policisë kanë vendosur edhe gjoba për qytetarët që nuk kishin vendosur maskat dhe as nuk i kishin ato me vete.

Në të gjithë vendin janë vendosur 171 masa administrative me vlerën 3.000 lekë secila.

Shërbimet e Policisë do të jenë prezente çdo ditë, në ambiente të ndryshme në të gjithë vendin dhe në rast se do konstatojnë qytetarë që nuk kanë vendosur maskat mbrojtëse, do të marrin masat administrative sipas Aktit Normativ.

Policia e Shtetit falënderon qytetarët që respektojnë këtë masë mbrojtëse dhe apelon që të gjithë të vendosin maskat mbrojtëse, të mos tregohen neglizhentë duke i mbajtur maskat në duar dhe të mos kundërshtojnë urdhrin e punonjësve të Policisë, pasi Policia e Shtetit është në shërbim të qytetarëve, për të mbrojtur jetën dhe shëndetin e tyre, ndaj dhe është i rëndësishëm zbatimi i kësaj mase mbrojtëse sepse parandalon infektimin me COVID-19.

Të Ngjajshme

Kush kursen më shumë në rajon? Shqiptarët të parët, maqedonasit të dytët

admin

Ministri i Jashtëm i Holandës: Nuk shohim asnjë progres në Shqipëri për hapjen e negociatave

admin

Mbledhja urgjente në LDK, merr pjesë edhe Avdullah Hoti

admin

Leave a Comment