September 29, 2020
Portali Shprehja

Qeveria premtoi 16 spitale mobile, kompletoi vetëm një

Qeveria u zotua për ngritjen e 16 spitaleve mobile, por deri më tani u ndërtua vetëm njëri. Ndonëse, vjeshta po ofron dhe sistemi shëndetësor i druhet një vale të re të të infektuarve, kapacitetet spitalore mbeten të njëjta. Projekti i Ministrisë së Shëndetësisë për të ndërtuar spitale mobile deri në fund të gushtit nëpër të gjitha qytetet e vendit, mbetet ende në letër. Ministri Venko Filipçe tha se brenda javës presin dritë jeshile nga Banka Botërore, në kompletimin e dokumenteve.

Procedurën e udhëheqë njësia projektuese e Bankës Botërore, e cila është në kuadër të Ministrisë së Punës dhe Politikës Sociale, për shkak se Ministria e Shëndetësisë atë e përgatitë dhe do të jetë pjesë përbërëse, besoj në vitin e ardhshëm kur të zbatohet reforma në sistemin shëndetësor. Me ndihmë të Bankës Botërore, gjë të cilën e kemi planifikuar më parë, tani në këtë moment duhet që dokumentet të kompletohen të miratohen nga Qendra e Bankës Botërore, gjë e cila besoj se do të bëhet në fillim të javës së ardhshme, pas çka puna do të fillojë – u shpreh Venko Filipçe, Ministër i Shëndetësisë.

Sistemi shëndetësor i shtetit po përgatitet për valën e re të pandemisë, që pritet të arrijë në vjeshtë. Në shtimin e kapaciteteve spitalore, aktualisht gati është vetëm objekti modular te Klinika e Pulmologjisë. Vetëm ky projekt kushton 122 mijë euro. Për shërbime ambulantore është vënë në funksion një barakë e vetme te Klinika e Pediatrisë.

Këtu i pranojmë për kontrolle të gjithë fëmijët që nuk kanë paracaktuar termin me idenë që ti izolojmë, sepse ata mund të kenë ndonjë simptome tipike të koronavirusit. Ky objekt montues e vëmë me qëllim që ti distancojmë fëmijët që përbëjnë rrezik nga ky infeksion nga fëmijët tjerë që vijnë këtu – tha Natasha Najdanovska, Drejtoreshë e Klinikës së Pediatrisë.

Sipas autoriteteve, kapacitetet spitalore aktualisht janë të qëndrueshme për menaxhimin e pandemisë. Në Klinikën infektive vetëm mbrëmë u pranuan 9 pacientë të prekur nga CoVid-19, ndërsa të hospitalizuar janë 79, prej të cilëve 44 në oksigjeno terapi. Në Spitalin “8 Shtatori” janë pranuar 5 pacientë të ri, ndërkaq të shtruar janë 22, prej të cilëve 2 në ventilim mekanik. Në Spitalin Kozle janë të shtruar 23 të rritur dhe fëmijë. Me kapacitete gjysmë të mbushura janë edhe spitalet në qytetet tjera.

Adnan Qaili

Të Ngjajshme

Qeveria nuk diskutoi heqjen e testit PCR si kusht për kalimin e kufijve

admin

Mësimi online “zhduku” kompjuterët e lirë

admin

Burg për Gruevskin e arratisur, Janakieski mori dënim me kusht

admin

Leave a Comment