11 C
Skopje
February 11, 2019
Informacione Rajoni dhe Bota

Rrjeti i Grave kërkon të ndryshohet logoja e 11-vjetorit të Pavarësisë

Rrjeti i Grave të Kosovës (RrGK) dhe Lobi për Barazi Gjinore në Kosovë, kanë reaguar në lidhje me logon e 11-vjetorit të Pavarësisë së Kosovës, shkruan lajmi.net.

Përmes një njoftimi për media RrGK, ka thënë se logoja aktuale është diskriminuese dhe e papranueshme, meqenëse nuk njeh kontributin e grave në shtetndërtim.

Njoftimi i plotë pa ndërhyrje:

Rrjeti i Grave të Kosovës (RrGK) dhe Lobi për Barazi Gjinore në Kosovë (Lobi) janë tejet të indinjuara me lansimin që i’u bë rishtazi logos së 11 vjetorit të Pavarësisë së Kosovës, ku në plan të parë paraqitet vetëm silueta e një burri.

Ne i’u bashkangjitemi opinioneve të përfaqësuesve të shoqërisë civile, dhe bashkëndajmë mendimin se logoja aktuale është diskriminuese dhe e papranueshme, meqenëse nuk njeh kontributin e grave në shtet-ndërtim.

Vetë fushëveprimi i Ligjit për Barazi Gjinore, përkatësisht neni 2, specifikon se ndalesa e diskriminimit në bazë të gjinisë dhe seksit dhe obligimet për promovimin e barazisë së meshkujve dhe femrave në këtë ligj, përfshijnë barazinë dhe mos diskriminimin mbi karakteristikën e mbrojtur të identitetit gjinor. Rrjedhimisht, silueta aktuale në logo mohon promovimin e kontributit të barabartë gjinor, e specifikisht kontributin e madh të grave në shoqërinë kosovare.

Tutje, RrGK dhe Lobi nuk pajtohen me deklaratën e dhënë nga përfaqësuesi i protokollit të shtetit, z. Orhan Hajrizi, sipas të cilit logoja është dizajnuar në mënyrë që të konsiderohet si dedikim drejt formimit të Ushtrisë së Kosovës.

Jemi të bindura që puna dhe përfaqesimi i identitetit tonë shtetëror është promovuar shumë herë në këto vite nga gratë kosovare, e madje arritjet e tyre janë brohoritur nga vetë zyrtarët shtetërorë.

Prandaj, këto merita duhet të konsiderohen si të barabarta për nga niveli i rëndësisë dhe ri-theksojmë se njohja e kontributit të grave në ndërtimin e imazhit shtetëror duhet të reflektohet edhe në logon e 11 vjetorit të pavarësisë. /Lajmi.net/

Burimi i lajmit

Artikuj të ngajshëm

Gruevski: Nuk ndjehem fajtor për arrestimin e ish bashkëpunëtorëve

shprehja

Reka: Shqiptarët nuk morën pozicionim strategjik dhe u vonuan!?

shprehja

“PRESIDENCIALET”: Dy BESAT dhe ASH-ja presin vendimet e kryesive partiake

shprehja