August 11, 2022
Portali Shprehja

Sanchez: Spanja është në anën e Serbisë kur vjen puna te Kosova

Presidenti serb Aleksandar Vuçiç tha në një konferencë të përbashkët për shtyp pas takimit me kryeministrin spanjoll Pedro Sanchez se Madridi e mbështet Serbinë në rrugën e saj drejt BE-së pa kushte shtesë.

Ai falënderoi qeverinë spanjolle për respektimin e integritetit territorial të Serbisë, shkruan Euronews Serbia.

Kryeministri Pedro Sánchez theksoi se Spanja e mbështet Serbinë kur është fjala për Kosovën, se ajo do të jetë gjithmonë në diskutim, por se, pa asnjë dyshim, integriteti territorial duhet të respektohet gjithmonë.

Vuçiç nga ana e tij tha se është krenar dhe i lumtur që për herë të parë në historinë serbe mund të presë në Serbi kreun e qeverisë spanjolle.

“Ishte privilegj, kënaqësi dhe nder të flisja sot me zotin Sanchez”, tha presidenti i Serbisë dhe theksoi: “Serbia e konsideron dhe e percepton Spanjën si një mik të sinqertë, si një nga miqtë më të mëdhenj në botë. Së fundmi kemi rritur ndjeshëm shkëmbimin tonë tregtar i cili vitin e kaluar ka qenë 811 milionë euro, ndërsa këtë vit në pesë muajt e parë është rritur për 64.1 për qind”.

Spanja është në mesin e pesë shteteve të BE-së që nuk e pranon Pavarësinë e Kosovës./euronews/

.

Të Ngjajshme

Gjobiten 187 shoferë në Shkup, 69 për vozitje të shpejtë

Në Tabanoc dhe Bogorodicë për dalje nga vendi pritet rreth 30 minuta

Karantinë dhe izolim, KSI me rekomandime për rastet me linë e majmunit në Maqedoni

admin

Leave a Comment