August 11, 2022
Portali Shprehja

​Shqipëri, sot votohen ndryshimet në qeveri

Kuvendi i Shqipërisë mblidhet sot pasdite në seancë të jashtëzakonshme për të votuar ndryshimet e fundit në Qeverinë Rama.

Deputetët janë thirrur për të votuar shkarkimin e Arben Ahmetajt nga posti i zëvëndëskryeministrit dhe ministrit për Rindërtimin si dhe emërimin e Belinda Ballukut si numri dy i qeverisë.

Gjithashtu do të votohet dekreti për emërimin e Majlinda Dhukës në krye të ministrisë së re të Shtetit ngritur për integrimin.

Pas njoftimit nga Kuvendi për seancën e jashtëzakonshme, kreu i grupit parlamentar të Partisë Demokratike, Enkelejd Alibeaj paraqiti kërkesë për debat në seancë.

Alibeaj thekson se “Rama i trembet debatit, dhe përballjes me faktet, që tregojnë se ai është shkaktar i varfërisë dhe korrupsionit në vend”.

Ndërkohë, po sot pasdite zhvillohet një tubim i thirrur nga mazhoranca për të festuar 100 vjetorin e marrëdhënieve Shqipëri-SHBA, por edhe hapjen e negociatave.

 

 

.

Të Ngjajshme

Gjobiten 187 shoferë në Shkup, 69 për vozitje të shpejtë

Në Tabanoc dhe Bogorodicë për dalje nga vendi pritet rreth 30 minuta

Karantinë dhe izolim, KSI me rekomandime për rastet me linë e majmunit në Maqedoni

admin

Leave a Comment