Limfoma është një lloj kanceri që prek sistemin limfatik, i cili është pjesë e sistemit imunitar të trupit. Ai përfshin rritjen jonormale të qelizave në nyjet limfatike ose në inde të tjera limfatike.
Ekzistojnë lloje të ndryshme të limfomës, duke përfshirë limfomën Hodgkin dhe limfomën jo-Hodgkin.
Opsionet e trajtimit mund të përfshijnë kimioterapinë, terapinë me rrezatim dhe terapitë biologjike të synuara.
Në emisionin Pasqyra e Shëndetit të shtunën në ora 16:40 flasim për këtë sëmundje.
Të ftuar kemi prof. dr. Irina Panovska Stavridis me të cilën sqarojmë për çfarë sëmundje bëhet fjalë, si paraqitet, faktorët e rrezikut, dhe trajtimin.
Gjithashtu theksojmë rëndësinë e mbështetjes psikologjike gjatë përballjes me këtë sëmundje Prof. Dr. Irina Panovska Stavridis në emisionin Pasqyra e Shëndetit thotë që “ Nëse limfoma diagnostikohet në kohë, është sëmundje plotësisht e shërueshme” Limfoma mund të trajtohet me sukses.
Suksesi i trajtimit varet nga faktorë të ndryshëm, si lloji dhe faza e limfomës, shëndeti i përgjithshëm dhe përgjigja individuale ndaj trajtimit.
Shumë njerëz me limfomë vazhdojnë të jetojnë jetë të shëndetshme dhe të kënaqshme pas trajtimit.
15 shtatori njihet si Dita Botërore e Ndërgjegjësimit për Limfomën. Është një ditë e dedikuar për rritjen e ndërgjegjësimit për limfomën, mbështetjen e të prekurve nga kjo sëmundje dhe promovimin e edukimit dhe kërkimit.
.