“Nëse do të qëndroj? Napoli i ka mësuar botës se si festohet një titull, si t’i bëjë të gjithë të marrin pjesë në gëzimin e një qyteti, se lumturia nuk ka kufij…” Luciano Spalletti mori çmimin “Bulgarelli” dhe nuk u përgjigj direkt për qëndrimin e tij në stolin e kampionëve të rinj italianë.
I rrethuar nga fëmijë dhe të rritur që kërkonin “selfie” me të, trajneri i Napolit është ende duke u ndjekur nga këmbëngulja kurioze dhe legjitime për të ardhmen e tij. “Klubi duhet ta thotë, – nënvizon Luciano, – ta vendosë edhe këtë. Tashmë i kam thënë aty ku duhet mendimet e mia…” Dhe buzëqesh.
Atmosferë festive edhe për fëmijët e shkollave të futbollit, që gëzojnë së bashku me Lucianon. “Gjithmonë kam besuar se kisha të bëja me një skuadër të fortë, – vazhdon trajneri i titullit të tretë napolitana. – Ne ishim të bindur për këtë, një punë të madhe bëri edhe drejtori (Giuntoli).
Dora e tij ishte vendimtare në merkato para këtij sezoni. Dhe për ta bërë këtë duhet të informoheni, të merrni lajme dhe të bëni një punë të madhe. Më pas punoni me disiplinë maksimale, disponueshmëri të plotë”.
.