7 C
Skopje
October 21, 2018
Informacione Rajoni dhe Bota

Stadiumi më i shtrenjtë në botë që ngjason me një WC


Duhet të inaugurohej në sfidën e fundjavës së kaluar ndaj Liverpoolit, por për shkak se bëhet fjalë për stadiumin më të shtrenjtë në botë, vonesat janë të pranueshme pasi po flasim për një projekt të shtrenjtë plot 1 miliardë sterlina që konsiderohet një kryevepër e arkitekturës moderne. Stadiumi i ri i Tottenham, “White Hart Lane”, u pëlqen të gjithëve, ose më saktë, thuajse të gjithëve. Mbase është çështje rivaliteti, ose një projekt mbase i pa konsideruar nga të gjitha këndvështrimet, por fotot ajrore të impiantit të ri, ndërtimi i të cilit është drejt përfundimit kanë shkaktuar ilaritetin e shumë përdoruesve të Twitter, përfshirë edhe vetë disa tifozë të Spurs. Ku qëndron problemi? Forma e stadiumit. Që e parë nga sipër, ngjason në mënyrë shumë të dyshimtë me një tualet pra me një WC.

Ngjashmëria nuk ka kaluar pa u vënë re dhe kur Tottenham ka publikuar fotot në profilin në “Twitter”, startoi stuhia qesharake mes fotomontazheve dhe komenteve. Ka nga ata që e mbuluan stadiumin me një kapak WC, apo nga ata që publikuan foton e banjës së shtëpisë duke shkruar emrat e disa sektorëve të stadiumit “White Hart Lane”. Ata që përfitojnë nga rasti janë padyshim rivalët, tifozët e Arsenal, të cilët druhen se impianti i ri mund të parakalojë modernizmin e stadiumit të tyre, “Emirates”. Por edhe vetë tifozët e Spurs-ave, kanë shfaqur një dozë të madhe ironie, duke lënë një numër të madh komentesh qesharake, ndonëse Tottenham ka ende shumë motive për të qenë krenar me stadiumin e ri.

Klubi po përshpejton punimet dhe tashmë që nuk mundi ta inaugurojë stadiumin për datën 15 shtator, po punohet akoma më fortë që Tottenham mund të dëshmojë në sytë e mbarë botës kryeveprën e fundit të arkitekturës sportive botërore. Dhoma zhveshje gjigante, mundësia për të mirëpritur ndeshje të NFL dhe dy ekrane gjigante LED prej 325 inch. Maksimumi i teknologjisë së mundshme, për një investim të rëndësishëm në gjendje për ta renditur Tottenham mes klubeve më të pasura në botë falë të ardhurave që do të grumbullohen nga stadiumi dhe të gjitha aktiviteteve dytësore, që do të hapen edhe në ditët kur do të luhet. Dhe në atë pikë, punë e madhe nëse forma e strukturës është ajo që është.

20 shtator 2018 (gazeta-Shqip.com)

Burimi i lajmit

Artikuj të ngajshëm

Aleksandrova: Vështirë e përjetova përjashtimin nga OBRM-PDUKM

shprehja

FOTOT: Pas vendosjes së skulpturës së Helidon Xhixhos, në Zogun e Zi ndërhyrje edhe në infrastrukturën rrugore

shprehja

Rusia nuk e pranon ndryshimin e emrit të Maqedonisë

shprehja