November 26, 2022
Portali Shprehja

“Të gjithë do të heshtin”, Ten Hag merr në mbrojtje CR7 pas kritikave të shumta

Erik Ten Hag i ka dhënë mbështetje Cristiano Ronaldos pavarësisht fillimit të dobët të sezonit nga sulmuesi i Manchester United. Pasi humbën dy ndeshjet e para të sezonit, “Djajtë e Kuq” kanë marrë 4 fitore radhazi më pas në Premier League, duke përfshirë triumfet kundër Liverpool dhe Arsenal.

Ronaldo ka zënë një vend në pankinë, pasi Marcus Rashford në formë po drejton ofensivën e Manchester United. Gjithsesi, Ten Hag beson se portugezi do t’ua tregojë të gjithëve cilësitë e tij së shpejti.

Në një intervistë për “Sky Sports”, trajneri holandez tha: “Kishim shumë lojtarë që performuan mirë për kombëtaret e tyre. Disa lojtarë ndoshta nuk janë në top-formë, përfshirë dhe Cristiano Ronaldon. E gjithë karriera e tij flet qartë.

E gjithë bota e shikon atë dhe ka pritshmëri të mëdha prej tij, jam i sigurt se do të kthehet. Gjithë karrierën e tij ka shënuar dhe bërë mirë. Ai do të kthehet më i fortë dhe të gjithë do të heshtin. Unë kam besim të plotë”.

Ronaldo ka shënuar vetëm një gol këtë sezon, kundër Sheriff-it në “Europa League”. Ai gjithashtu pati vështirësi në kualifikueset e fundit të Portugalisë, duke dështuar të shënonte në ndeshjet kundër Republikës Çeke dhe Spanjës.

Sulmuesi luzitan shpreson të luajë rolin e vet në derbin e Manchesterit më vonë, sot. Megjithatë, 37-vjeçari po Lufton ta gjejë formën optimale sportive përpara Kupës së Botës, e cila nis muajin e ardhshëm në Katar.

.

Të Ngjajshme

I hodhi Figos flamurin e Barçës në fytyrë… Çfarë ndodhi me “tifozin alien”; që pushtonte fushat edhe në finalet e Kupës së Botës

admin

Partneret e futbollistëve të Anglisë harbohen bashkarisht në “pallatin lundrues”, shpenzojnë shifrën e çmendur për alkool

admin

Maguire, “sparkatë” ndaj kritikëve: Merren me mua, sepse kanë nevojë për… klikime

admin

Leave a Comment