September 28, 2020
Portali Shprehja

Tensionet në Siniçan, s’dihet roli i Prokurores

Një muaj pas ngjarjeve në Siniçan, Prokuroria Themelore e Shtetit nuk ka marrë një vendim, nëse prokurorja Lejla Kadriu ishte legalisht në Siniçan ku kishte problem me ujin e pijshëm. Prokuroria e Lartë e Gostivarit bëri një inspektim dhe e përcolli raportin në qendrën e saj në Shkup më 7 gusht. Por, përkundër 30 ditëve të kaluara, prokuroria nuk ka qëndrim konkret- si, pse dhe kush e autorizoi prokuroren e Tetovës të dilte në terren, por edhe t’i jepte urdhra policisë? Ajo u tha atyre se po kryente një procedurë para-hetimore në lidhje me ndërtimin e ujësjellësit dhe tensionin midis banorëve të fshatrave Urviç dhe Siniçan për atë se kush ka të drejtë mbi burimet e ujit të pijshëm.

Prokuroria Themelore Publike-Gostivar

“Raporti i dorëzuar shqyrtohet dhe mblidhen të dhëna të tjera në lidhje me ngjarjen. Nëse konstatohen baza të përgjegjësisë për prokurorin publik, atëherë do të hapet një procedurë adekuate”.

 

Prokuroria duhet të përcaktojë se cili ishte roli i prokurores Kadriu dhe nëse prokuroria e Tetovës ka një shënim zyrtar mbi aktivitetet që ka ndërmarrë ajo. Publikut nuk i është treguar një dokument i tillë deri më tani. Gjithçka filloi në gusht në shpatet e Malit Sharr, kur kishte një konflikt midis banorëve të fshatrave Urviç dhe Siniçan për ujë të pijshëm. Policia ofroi siguri në mënyrë që të mos përshkallëzohet situata me ndërtimin e sistemit të ujësjellësit. Megjithatë, deri më sot, mbetet një enigmë sesi prokurorja u shfaq në terren, duke kërkuar që policia të tërhiqej, duke shpjeguar se ajo po kryente një procedurë para hetimore pa specifikuar se cilën. Policia ngriti dy kallëzime penale më shumë se një muaj më parë. Njëra është për arbitraritet dhe tjetra është kundër kryetarit të Bogovinës, Albon Xhemaili, për “punë të pandërgjegjëshme”. Sipas policisë, njeriu i parë i komunës lejoi fillimin e ndërtimit të sistemit të ujësjellësit pa dokumentacionin e duhur projektues dhe pa leje pune.

Boja Stojanovski

Të Ngjajshme

VMRO-ja kritikon masat e reja ekonomike, Mickoski: Janë masa të një Qeverie mafioze

admin

MPB dhe Prokuroria hetojnë incidentin në spitalin e Kumanovës

admin

Qeveria miratoi pakon e katërt ekonomike, 31 masa në vlerë prej 470 milion euro

admin

Leave a Comment