July 3, 2022
Portali Shprehja

Turqia nuk do të lejojë një konflikt të ri në Bosnje dhe Hercegovinë, thotë ministri i Jashtëm turk

Bosnja dhe Hercegovina luan një rol kyç në stabilitetin e rajonit dhe Turqia nuk do të lejojë një konflikt të ri, deklaroi të shtunën ministri i Jashtëm turk.

Tact Watches

Deklaratat e Mevlut Cavusoglu erdhën gjatë një konference të përbashkët shtypi me homologen e tij boshnjake, Jasmina Turkovic në Sarajevë.

“Bosnja dhe Hercegovina është në një pozicion kyç për sa i përket stabilitetit rajonal, prandaj nuk mund të lejojmë një konflikt të ri këtu në Bosnje dhe Hercegovinë. Të gjithë duhet të veprojnë me përgjegjësi në këtë drejtim,” tha Cavusoglu.

Presidenti turk Rexhep Tajip Erdogan dëshiron të mbajë samitin trepalësh Turqi-Bosnjë-Hercegovinë-Serbi në kohën përkatëse, shtoi ai.

“Gjatë kontakteve tona në Beograd, pamë se edhe autoritetet serbe janë të gatshme për këtë samit, si dhe (presidenti serb Aleksandar) Vuçiq”.

Cavusoglu u takua të mërkurën me homologun e tij serb, Nikola Selakoviç në Beograd.

Ata shkëmbyen mendime për situatën në Bosnje dhe Hercegovinë, si dhe për dialogun ndërmjet Beogradit dhe Prishtinës.

Cavusoglu përsëriti mbështetjen e fortë të Turqisë për Bosnje Hercegovinën dhe rajonin.

Ai është aktualisht në një turne ballkanik. Deri më tani ai ka vizituar Serbinë, Maqedoninë e Veriut dhe Kroacinë dhe destinacioni i tij i radhës është Kosova.

.

Të Ngjajshme

“Kurseni energji”, Gjermania paralajmëron qytetarët për mungesë të gazit

Nëse ju enjten gishtat vuani nga kjo sëmundje

Rina Balaj shfaqet sensuale dhe provokuese në pozat e reja

Leave a Comment