March 1, 2021
Portali Shprehja

Vaksina ruse, Filipçe: Jemi të hapur për të gjitha opsionet

-Jemi të hapur për të gjitha opsionet. Unë besoj se pas muajit mars, të gjitha vaksinat do të jenë më të qasshme. Do të zmadhohet qasja gjithkund në Evropë, kështu u përgjigj ministri i Shëndetësisë, Venko Filipçe i pyetur nëse autoritetet në vend po shqyrtojnë mundësinë për furnizim me vaksinën ruse kundër Covid-19 dhe vaksinën e kompanisë “Moderna”.

“Vaksina Pfizer dhe të gjitha vaksinat që i përmendët, bashkë me vaksinën kineze kanë nivel të njëjte të sigurisë, janë të zhvilluara në platforma të sigurta, nuk ka vend për dyshim në asnjë nga këto vaksina”, pohoi Filipçe.

Filipçe theksoi se kompania “Moderna” ka ofruar kontratë, por që sipas ministrit sasia e ofruar është e tepërt për tregun tonë.

“Nga Moderna qysh në fillim na treguan që sasia më e vogël për të cilën bisedojnë…është shumë për tregun tonë. Do të thotë na ofruan së paku dy milion doza”, tha Filipçe.

Ministri Filipçe tha se nuk ka rëndësi të madhe lloji ose vendi i prodhimit të vaksinës kundër Covid-19, por që  me rëndësi është të sigurohet vazhdimësi e imunizimit, respektivisht mos të ketë ndërprerje të procesit. Këto deklarata ministri Filipçe i bëri para pranimit të donacionit me pajisje mjekësore nga Sllovakia.

Në lidhje me : Nënshkruhet marrëveshja për furnizim me vaksina kineze kundër Covid-19

.

Të Ngjajshme

Mijalkovi u paraqit sot në Gjykatën Penale për rastin “Thesari”

admin

Shilegov këmbëngul që mali Vodno të miratohet me ligj të posaçëm

admin

Rikthehet dialogu “Zhan Mone”, partitë bisedojnë për rishikimin e Rregullores

admin

Leave a Comment