October 21, 2021
Portali Shprehja

Vuçiq: Se si do t’i mbrojmë serbët në Kosovë, uroj të mos vijë puna ta shohim

Presidenti i Serbisë, Aleksandar Vuçiq, ka vazhduar ta quajë aksioni e djeshëm të Policisë e Doganës së Kosovës kundër kontrabandës si një provokim për serbët në Kosovë.

Ai ka thënë se luftimi i kontrabandës ishte vetëm një arsye për të hyrë në veri dhe për të frikësuar serbët.

“Kjo është hera e shtatë apo e tetë që e bëjnë për të treguar forcën. Gjithçka që mendojnë se mund t’ua bëjnë serbëve, le ta bëjnë dhe pastaj do të shohin se si do të jetë reagimi jonë. Dorëzimi nuk është opsion dhe e jona është të luftojmë. Do të mbrojmë popullin tonë, Si? Uroj të mos vijë puna ta shihni se si”, ka thënë Vuçiq pasi vizitoi një fabrikë në Pançevë.

Ai dje, pas aksionit të Policisë së Kosovës në Mitrovicë e Zveçan, ku pati rezistencë të serbëve lokalë, i mblodhi ata në Rashkë dhe u premtoi se “Serbia më nuk do të lejojë që kjo të përsëritet”.

Policia e Kosovës ka njoftuar se dje gjatë aksionit në nivel vendi ka arrestuar tetë persona për kontrabandë, ndërkohë që 10 pjesëtarë të Policisë janë lënduar në veri nga sulmet e serbëve me granata dore, gurë e gjëra të tjera.

Lidhur me këtë policia është në kërkim edhe të pesë personave./rtv21.tv

Të Ngjajshme

Labi i kërkon Albinit ta bëj ministër të Shëndetësisë

admin

Tahiri: E turpshme deklarata e presidentes për vettingun, kjo qeveri nuk ka ide e as formulë për këtë proces

admin

Thaçi dhe të tjerët lejohen që për disa çështje të apelojnë vendimin mbi mocionet që pretendojnë defekte në aktakuzë

admin

Leave a Comment