Barcelona duket se ka pranuar kërkesën e Jules Kounde për t’u nxjerrë shitje, pasi lojtari nuk është aspak i kënaqur me klubin.
Sipas Relevo, mbrojtësi francez ka informuar drejtuesit e klubit se nuk është i kënaqur me rolin e tij brenda ekipit dhe se dëshiron të dëgjojë ofertat për t’u larguar – për sa kohë të jetë një ofertë të mirë për të gjitha palët.
Pozicioni i Kounde ka befasuar stafin teknik sepse ai praktikisht ka luajtur çdo ndeshje kur ka qenë në dispozicion.
Por Barça e ka vlerësuar me qetësi këtë zhvillim të ri. Bordi e di se klubi duhet të shesë dhe ata nuk do të mbajnë askënd që dëshiron të largohet kundër vullnetit të tij.
Arsyeja kryesore e Kounde për t’u larguar është se trajneri Xavi nuk e ka aktivizuar rregullisht si qendërmbrojtës. Ish-ylli i Sevilla-s është aktivizuar kryesisht në krahun e mbrojtjes dhe madje edhe në mesfushë.
Ndërsa me Sevilla-n, Kounde u kërkua seriozisht nga Manchester United dhe Chelsea përpara se të zgjidhte të transferohej te Barça. Dy gjigantët e Premier League mund të përfitojnë nga situata.
.