January 31, 2023
Portali Shprehja

Zbulimi “i jashtëzakonshëm” në afërsi të Arktikut mund të shpëtojë Europën nga ndikimi kinez

Një zbulim i jashtëzakonshëm në veriun e Europës mund të ndryshojë kursin e ekonomisë së kontinentit, dhe ta projektojë atë jashtë ndikimit kinez.

Prej vitesh qeveritë europiane po tentojnë të gjejnë brenda tyre lëndët e para që shërbejnë për ndërtimin e komponentëve më të avancuara në teknologji.

Këto elementë, si kobalti, titani dhe të paktën 17 elementë të tjerë më pak të njohur nga publiku i gjerë, përmblidhen në termin tokë e rrallë”, sepse gjenden në mes materialeve të tjera të pavlerë, ku pak kilogramë mund të nxirren nga dhjetëra tonelata tokë.

Kina është vendi me përqendrimin më të madh të këtyre metaleve, ku mendohet se vendi aziatik disponon rreth 40% të tregut, që prodhon rreth 140 mijë tonelata në vit.

Por kompania shtetërore suedeze LKAB, ka dhënë lajmin e madh se në veri të vendin skandinav, në afërsi të qytetit të Kirunës, e pas disa testimesh është gjetur ai që cilësohet si depozitimi më i madh në Europë, potencialisht rreth 1 milionë ton.

Një sasi që do të lehtësonte prodhimin e baterive për mjetet elektrike por edhe turbinat eolike, fibrat optike, radarët ushtarakë e të tjerë.

Do të duhet ndoshta një periudhë 15 vjeçare testimesh para se të fillojë shfrytëzimi i plotë i depozitimit në afërsi të rrethit arktik.

Ndërkohë, prej vitesh qendra e qytetit më verior në Suedi ka kohë që po spostohet rreth 3 kilometra nga ku ndodhej fillimisht pikërisht për të mundësuar gërmimet.

Të Ngjajshme

Rusia nis sulme të reja në lindje të Ukrainës

admin

Lufta kundër korrupsionit, Shqipëria asnjë përparim

admin

Rilind Gervalla emërohet drejtor i RTK-së

admin

Leave a Comment