February 1, 2023
Portali Shprehja

Zbulohet arsyeja përse Ronaldo sot nuk do të debutojë për Al Nassr

Kristiano Ronaldo është ndaluar nga debutimi për Al Nassr sot në orën 16:00 nga Federata Angleze e Futbollit. Portugezi 37-vjeçar tashmë është sportisti më i paguar në botë, pasi nënshkroi një kontratë marramendëse me klubin saudit. Ronaldo, i cili u lirua nga Mançester Junajtedit muajin e kaluar pas intervistës shokuese me Piers Morgan, arriti në Riad të hënën dhe u përshëndet me fansat e zjarrtë të cilët e pritën në stadiumin vendas.

Të martën ai iu nënshtrua vizitave mjekësore të martën përpara se të bëhej zyrtarizimi i tij, dhe më vonë iu bashkua lojtarëve të ekipit për seancën e parë stërvitore.

Al Nassr shpresonte t’i jepte yllit portugez debutimin e tij të madh ditën e sotme pasi kishte shitur të gjitha biletat e stadiumit përballë Al Taee. Megjithatë, atij i është thënë se është pezulluar për shkak të dënimit të dhënë nga Federata Angleze e Futbollit, pasi Ronaldo hodhi telefonin e një tifozi të vogël të Evertonit.

Ronaldo u dënua me dy ndeshje dhe u gjobit nga FA në nëntor pas incidentit me tifozin autik në “Goodison Park” në prill. FA sqaroi se ai duhet të vuajë pezullimin e tij edhe nëse zhvendoset jashtë në një ekip tjetër./abcnews.al

.

Të Ngjajshme

Boshkov: Infrastruktura e fqinjëve shumë më e mirë se e jona

Vuçiç: Nuk ka afat për miratimin e planit për Kosovën

Përse kur porositim, marrim një gotë ujë me kafen tonë

Leave a Comment