December 3, 2022
Portali Shprehja

Zelensky do të jetë pjesë e samitit të G20-ës

Presidenti ukrainas, Volodymyr Zelensky, do të marrë pjesë në samitin e G20-ës, i cili do të mbahet javën e ardhshme në Indonezi.

Kështu tha zëdhënësi i tij, Serhiy Nykyforov, më 8 nëntor, duke shtuar se pjesëmarrja e tij sipas të gjitha gjasave do të bëhet përmes një vide-lidhjeje.

Ukraina i kishte bërë thirrje grupit të 20 ekonomive më të mëdha në botë që të dëbojnë Rusinë dhe të anulojnë ftesën e presidentit rus, Vladimir Putin, në samit.

Lideri i Indonezisë, Joko Widodo, tha më 19 gusht se presidenti rus, Vladimir Putin, do të marr pjesë në samit.

Xhakarta u vu nën presionin e Perëndimit për të mos e ftuar Putinin në takimin e G20-ës, pasi Indonezia njoftoi në prill se e kishte ftuar liderin rus.

Por, Indonezia ka mbajtur një pozicion neutral duke bërë thirrje për zgjidhje paqësore për luftën në Ukrainë dhe Widodo më herët gjatë këtij viti ka vizituar edhe Kievin, edhe Moskën.

Ky samit do të mbahet në Bali të Indonezisë më 15 dhe 16 nëntor, e cila aktualisht udhëheq me presidencën e G20-ës.

.

Të Ngjajshme

Pushtoi fushën me flamurin ylber dhe disa mesazhe në fanellë, italiani zbulon se çfarë i tha Infantino pas ndeshjes

Kërkohet rritja e pagave të profesorëve në Maqedoninë e Veriut

admin

Elon Musk prezanton funksionin e ri të Twitter

Leave a Comment