September 25, 2020
Portali Shprehja

Zgjedhjet në Shqipëri më 25 prill 2021

As në 18 prill dhe as në 9 maj, por në 25 prill do të mbahen zgjedhjet e ardhshme parlamentare të 2021.

E diela e fundit e prillit është dita që presidenti Ilir Meta ka dekretuar për ta çuar vendin drejt kutive të votimit.

Kreu i Shtetit nuk e ka vonuar firmën e tij në dekret, vetëm 2 ditë pas konsultimeve me krerët e partive politike në vend.

Ish-aleati i tij, kryeministri Edi Rama, në një vizitë të shkurtër në zyrën e Ilir Metës, ia la Presidentit në dorë datën e zgjedhjeve.

Këtij konsesusi i është përgjigjur edhe Meta, i cili ja plotësoi dëshirën Ramës që parlamentarët e 2021 të mos caktoheshin me 2 maj, pasi kjo e dielë përkonte me Pashkët Ortodokse.

Data e dekretuar nga Kreu i Shtetit është 1 javë larg të dielës që opozita jashtëparlamentare kishte kërkuar.

Por ashtu siç deklaruan opozitarët jashtë parlamentit, të gjithë do ta pranojnë 25 prillin.

Zgjedhjet shihen si e vetmja mundësi e PD-së së bashku me aleatët për të hyrë sërish brenda institucioneve, të cilët në shkurt të vitit të shkuar dogjën mandatet e tyre si deputetë.

Presidenti “lau” duart” me zgjedhjet, ndërsa tashmë janë palët politike të cilët duhet të përcaktojnë se si do të shkojnë në zgjedhje, duke përcaktuar se sa do të hapen listat dhe nësë do të ketë koalicione parazgjedhore apo jo.

Të Ngjajshme

Amerikanët po i ofrojnë Kroacisë 12 avionë luftarakë F-16 për 1.4 miliardë dollarë

admin

Frika e Edi Ramës nga listat e hapura!

admin

EULEXI arrestoi kreun e OVL-UÇK-së, bastisja po bëhet nga policë rusë (VIDEO)

admin

Leave a Comment