Pezullohet dyshja e gjyqtarëve grek, dyshoheshin për kurdisje të sfidës në Kosovë
Gjyqtarët grekë të basketbollit, Dimitrios Zakakaris dhe Anastasios Kardaris, janë pezulluar edhe zyrtarisht nga Federata Ndërkombëtare e Basketbollit (FIBA). Dyshja greke nuk do të kenë drejt të gjykojnë deri më 31 tetor 2024.
Dy gjyqtarët grekë janë pezulluar për “mosraportim” dhe kryerje të funksionit në bazë të Kodit të Etikës dhe Integritetit. Ndryshe, Zakaris dhe Kardaris janë emra të njohur për basketbollin kosovar, pasi emrat e tyre bënë bujë në prill të vitit të kaluar.
Ishte klubi kryeqytetas, Sigal Prishtina që kishte bërë akuzë publike se Zakaris e Kardaris ishin joshur për të kurdisur një ndeshje ‘play-off’-i me Trepçën, në të mirë të ekipit mitrovicas. Pas akuzave të Prishtinës, dy grekët u larguan papritur dhe nuk u kthyen më.