Ndonëse shumë prej publikut të saj të zjarrtë nuk kishin lindur akoma ose ishin shumë të vegjël kur Adelina Ismaili bëri revolucion në Festivalin e Këngës me paraqitjen e saj në vitin 1996, ajo performancë vazhdon të pëlqehet edhe sot dhe të jetë inspirim për artistet e reja.Diva e muzikës shqiptare u rikthye mbrëmë në Festivalin e RTSH-së duke u shfaqur në skenë pas 27 viteve.
Adelina u ngjit në skenë në edicionin e 62-të në ‘’Natën e nostalgjisë’’ duke interpretuar ‘’E jotja s’jam’’ dhe duke elektrizuar publikun në sallë dhe emocionuar ata që e ndoqën nga ekrani.Performancën që mbahet mend e komentohet sot e kësaj dite artistja e riktheu e shoqëruar me balerinë dhe me një koreografi unike.