Lamine Jamal: Është një ëndërr që bëhet realitet

Lamine Jamal, sulmuesi i Spanjës, ka folur për “Sky Sport” pas fitores 2-1 në finalen e “Euro 2024” ndaj Anglisë. 17-vjeçari u shpall lojtari i ri më i mirë i turneut, ndërkohë që realizoi një asist fantastik në finale për golin e Niko Uilliams.

“Është një ëndërr që bëhet realitet. Mezi po presim të kthehemi në Spanjë dhe të festojmë bashkë me tifozët”, tha Lamine Jamal, që realizoi edhe një gol në gjysmëfinalen ndaj Francës.

“Është e mrekullueshme të jem këtu me familjen time. Shorti na vuri në vështirësi, por ne e njohim këtë ekip dhe në fund fituam. Shokët e skuadrës më kanë ndihmuar shumë”, tha mes tjerash Jamal.