Një letër anonime mund të vërtetojë se vdekja e Lady Diana-s nuk ishte aksidentale
AA
Vera e vitit 1997 ndryshoi historinë e familjes mbretërore britanike. Natën e 31 gushtit, makina në të cilën po udhëtonte Lady Diana, ish-bashkëshortja e mbretit aktual Charles III dhe nëna e Princit William dhe Harry-t, u përplas në një tunel të Parisit.
Edhe pse ka pasur gjithmonë teori konspirative, autoritetet e zgjidhën çështjen si një aksident trafiku si rezultat i ndjekjes së paparacëve.
Pothuajse 27 vjet më vonë, programi ‘Fiesta’ i Telecinco zbuloi ekzistencën e një letre anonime që mbërriti në Scotland Yard dhe në të cilën tregohej se vdekja e Lady Di ishte në të vërtetë e paramenduar.
“Është një letër që mbërriti në Scotland Yard në emër të shefit të policisë në atë kohë, një letër me titull ‘Diana do të vdesë në shtator’ dhe, siç e pamë më vonë, Diana vdiq më 31 gusht”, shpjegoi Concha Calleja në programin Mediaset.
Pezantuesja pohoi se kishte një kopje të origjinales dhe se letra e vërtetë është “e sigurt” në një nga kasafortat që Scotland Yard ka në posedim.
Çfarë shkruhej në letrën dërguar Scotland Yard?
“Unë e di që Dianës po i planifikohet një aksident me makinë. Makina mbretërore do të përplaset në një tunel dhe do të vrasë princeshën. Plani do të realizohet diku në shtator, ndoshta në mes të muajit. Mos u mundoni të na ndaloni, se rrezikoni të humbni Mbretëreshën dhe vendin. E nënshkruar: një person i rrezikshëm”, lexoi Veronica Dulanto.
Ekspertja, për më tepër, tregoi se vetë Lady Di e dinte që këto kërcënime ekzistonin dhe se ajo përsëriste gjithmonë të njëjtën pyetje kur hipte në makinë: “A do të jetë sot dita?”.
Por për këtë të gjithë ngrenë të njëjtën pyetje: Nëse ishte kështu, pse ajo nuk ishte e pajisur ne më shumë siguri?
Filipçe: Mickoski po bllokon të ardhmen evropiane të
Lideri i LSDM-së, Venko Filipçe akuzoi kryeministrin Hristijan Mickoski se po mban shtetin të izoluar, derisa vendet e rajon përparojnë
Gjimnazisti nga Prilepi mashtroi si mësues për katër
Policia e Prilepit ka paraqitur kallëzim ndaj një nxënësi të shkollës së mesme në Prilep për shkak të dyshimit të
Prof. Dr. Halit Eren në Universitetin Ndërkombëtar Ballkanik
Dje, në ambientet e Universitetit Ndërkombëtar Ballkanik në Shkup, Prof. Dr. Halit Eren ishte ligjërues në konferencën me temë “Çështjet
