Pep Guardiola, gati 100 mln euro për merkaton e janarit

Pep Guardiolës do t’i akordohen 100 milionë paund nëse mendon se Mançester Siti duhet të forcohet në janar. Trajneri katalanas shqyrtoi një sërë opsionesh, por në fund ishte i lumtur të qëndronte me grupin që kishte. Megjithatë, sipas “The Sun”, atij i është thënë se një shifër e madhe do të jetë sërish e disponueshme në merkaton e janarit, nëse ai dëshiron të sjellë fytyra të reja në “Etihad”.

Mançester Siti e mbylli merkaton e verës me një fitim nga shitjet 160 milionë paund. Ndërsa ata shpenzuan vetëm 21 milionë paund për blerjen e Savinjos nga klubi simotër Troje, ndërsa Ilkai Gyndoan u rikthye me parametër zero.

Emrat që kampionët e Anglisë mund të hyjnë në merkato janë ata të Florian Vircit, lojtarit më të mirë të sezonit në Bundesligë, pasi 21-vjeçari shkëlqeu me kampionët e Bajer Leverkuzenit. Por edhe fantazisti i Bajernit të Munihut, Xhamal Musiala, gjithashtu 21-vjeç është një lojtar që admirohet nga Guardiola. Por që të dy yjet e Bundesligës mbeten shumë të vështirë për t’u transferuar në gjysmën e sezonit dhe mundësitë më të mëdha janë për të lëvizur verën e ardhshme.