Flik: Ishin më të mirë, duhet të rikuperohemi dhe të kthehemi më të fortë
Barcelona u mposht në ndeshjen e saj hapëse të sezonit 2024/25 të Ligës së Kampionëve, me Monacon që doli si fitues me rezultat 2-1. Katalunasve iu desh të luanin mbi 80 minuta me 10 lojtarë për shkak të largimit të hershëm të Erik Garsias me të kuq, dhe pavarësisht se u kundërpërgjigjën nga goli, ata në fund u mundën. Hansi Flik dha vlerësimin e tij pas ndeshjes dhe ai pranoi se Barcelona nuk ishte mjaft e mirë për të siguruar diçka nga përballja.
“Ne u përpoqëm në çdo moment, por duhet të pranojmë se ata e meritonin të fitonin. Tani duhet të rikuperohemi dhe të kthehemi më të fortë. Kemi edhe shtatë shanse të tjera. Duhet ta pranojmë këtë disfatë. Jam i sigurt se me kthimin e lojtarëve të lënduar, ne do të jemi një ekip më i fortë”, përfundoi trajneri i Barçës.
Flik gjithashtu konfirmoi se Mark Kasado është mirë, pas një goditjeje që pësoi në fazat e fundit të ndeshjes. Barcelona do të shpresojë që mesfushori i ri të jetë mirë për t’u përballur me Viljarrealin këtë fundjavë në La Liga.