Zbulohen emrat e kandidatëve për të zëvëndësuar Vlahoviç

Xhuntoli e ka humbur totalisht besimin tek Arek Milik dhe po kërkon me ngulm që të gjejë një zëvendësues të Dushan Vlahoviçit në merkaton e janarit.

Alternativat nuk mungojnë, por Xhuntoli kërkon një lojtarë që t’i japë edhe pak siguri jo vetëm për të tashmen, por edhe për të ardhmen. Objektivi kryesor me kosto të ulët është Xhonathan Dejvid i cili është drejt përfundimit të kontratës dhe “Zonja e Vjetër” mund të përfitojë nga situata.

Nuk përjashtohet as Arnaud Kalimendo, një tjetër lojtar i kampionatit francez që ka talent dhe moshën përpara për të bërë gjëra të mëdha. Por nëse këta të dy janë një opsion edhe për të ardhmen, Xhuntoli ka edhe alternativa që mund të jenë më të lehta për t’u arritur. Luka Joviç është alternativa e radhës, së bashku me Domeniko Berardin.

Ky i fundit nuk preferon të qëndrojë më në Serinë B, ndërsa ka qenë vazhdimisht një kërkesë e Juves. Opsioni i fundit, por jo për nga rëndësia është Xhakomo Raspadori.