Lamine Jamal tregon momentin qesharak pas fitores ndaj Borusia Dortmundit
Në një natë spektakolare të Ligës së Kampionëve, skuadra e Barcelonës triumfoi 3-2 kundër Borusia Dortmundit, falë edhe performancës së shkëlqyer të Lamine Jamal.
Talent i ri i klubit katalanas dha asistin vendimtar për Ferran Torres, ndaj u u shpall ‘MVP’ i ndeshjes nga UEFA.Pas triumfit në tokën gjermane, Jamal ndau një episod interesant, që ndodhi gjatë testit antidoping. Në një intervistë për “Football Movistar Plus+”, 17-vjeçari rrëfeu një moment interesant.
“Po më shpëtonte! Dhe për herë të parë që po më shpëtonte (urina), nuk më morën që të bëja testin antidoping”.
Ky moment humoristik nuk e zbeh aspak rëndësinë e performancës së tij në fushë, ku Yamal vazhdon të tregojë pjekuri dhe aftësi teknike të rralla për moshën e tij. Një talent që shkëlqen natyrshëm. I pyetur për teknikat e tij të veçanta, si goditjet me pjesën e jashtme të këmbës, Jamal tha është një pjesë e natyrshme.
“Më vjen natyrshëm, nuk është se e stërvis shumë. Është diçka që më vjen spontanisht”.
Në moshën vetëm 17 vjeç, Jamal është kthyer në një nga lojtarët më premtues në futbollin europian, duke dhënë një kontribut të rëndësishëm për Barcelonën dhe Spanjën.
