Klivlendi “leksion” Milluokit, fitore për Oklahomën dhe Filadelfinë
Tri ndeshje të luajtura në NBA dhe në fushë kanë zbritur ekipet që kryesojnë renditjen në Konferencat përkatëse. Në Lindje, Klivlend fitoi 124-101 ndaj Milluokit, dy skuadra që pretendojnë për titullin. Skuadra e Klivlendit e dominoi ndeshjen, ku të gjithë titullarët e saj realizuan mbi 10 pikë. Donovan Mitçell me 27 pikë ishte shënuesi më i mirë për Klivlendin, ndërsa për Milluokin u dallua Antetokounmpo me 33 pikë e 14 rebound, por që mbetën për statistikë.
Në Perëndim kryeson Oklahoma Siti, që fitoi 104-97 ndaj Majamit jashtë fushe. Jalen Uilliams me 33 pikë dhe Aleksander Shai me 25 pikë bënë diferencën në fushë për miqtë.
Fiton edhe Filadelfia, që mundi 108-98 Sharlotin, sfida pa shumë histori. Protagonist për vendasit ishte Xhoel Embid, autor i 34 pikëve.
NBA-Rezultatet
Filadelfia – Sharlot, 108-98
Klivlend – Miluoki, 124-101
Majami – Oklahoma, 97-104
