Pak ditë na ndajnë nga 9 shkurti, KQZ: Përgatitjet po vazhdojnë intensivisht

Zgjedhjet Parlamentare janë afruar. Pak ditë na ndajnë nga 9 shkurti, e Komisioni Qendror i Zgjedhjeve ka njoftuar se përgatitjet për këtë ditë po vazhdojnë intensivisht.

Komisioni Qendror i Zgjedhjeve ka nisur programin disa ditor të trajnimit për stafin dhe trajnerët që do të jenë në ballë të organizimit të zgjedhjeve.

“Ky program siguron që çdo person i angazhuar të jetë i përgatitur në mënyrë profesionale për të përmbushur detyrat dhe përgjegjësitë ligjore gjatë fazave të ndryshme të procesit zgjedhor: nga hapja e qendrave të votimit deri te numërimi i votave që procesi zgjedhor të jetë i drejtë dhe transparent për të gjithë qytetarët”, thuhet në ndër të tjera në njoftimin e KQZ-së.