Interi gati të mbyll marrëveshjen me mesfushorin e Dinamo Zagrebit
Interi është duke kërkuar përforcime cilësore, pasi synon të luftojë për të gjitha trofetë ku është në garë. Sipas të përditshmes kroate “Jutarnji List”, gjiganti italian është afër finalizimit të një marrëveshjeje për të blerë mesfushorin e Dinamo Zagrebit, Petar Suçiç.
Mediumi kroat raporton se të dy klubet janë afër një marrëveshjeje, me Interin dhe Sucic që tashmë kanë rënë dakord për një kontratë pesëvjeçare. Reprezentuesi kroat pritet të qëndrojë në Kroaci deri në fund të sezonit. Interi po ofron 12 milionë euro plus tre milionë euro bonuse të mundshme, ndërsa Dinamo e Zagrebit po kërkon të përfshijë një përqindje nga shitja e mesfushorit në kushtet përfundimtare.
Suçiç, i cili gjithashtu ka tërhequr interes nga Napoli, Borussia Dortmund dhe Atletilko Madrid, duket se është në prag të bashkimit me Interin, të cilët kanë qenë më aktivët në ndjekjen e lojtarit.
21-vjeçari këtë sezon ka luajtur 17 ndeshje në të gjitha garat me fanellën e Dinamo Zagreb, derisa ka shënuar tre gola dhe ka asistuar në dy të tjerë. Mesfushori defensivë është pjesë e rregullt edhe e Kombëtares A të Kroacisë.
