
Kevin De Bryjne, ndryshon krejtësisht planet për të ardhmen
Nëse pak muaj më parë spekulimet tregonin se mesfushori belg ishte gati të nisë për Arabinë Saudite, tani situata duket krejtësisht e ndryshme. 32-vjeçari thuhet se është i hapur për të rinovuar kontratën me Man. Sitin, duke lënë mënjanë mundësinë e një largimi nga Premier Liga.
Kontrata e De Brujnes me skuadrën angleze skadon qershorin e ardhshëm, gjë që ka nxitur shumë spekulime rreth të ardhmes së tij. Në muajt e fundit, klubet saudite janë konsideruar si kandidatët më të mundshëm për të siguruar nënshkrimin e tij, duke u përfituar nga investimet e mëdha që kanë bërë në yjet evropianë.
Megjithatë, De Brujne nuk e shqyrton më këtë opsion dhe, përkundrazi, është i gatshëm të fillojë bisedime për një rinovim me Man. Sitin. Tani, topi është në fushën e Man. Sitit.
Pep Guardiola e ka vlerësuar gjithmonë belgun si një lojtar kyç në skuadrën e tij, dhe prania e tij e vazhdueshme do të ishte një lajm i mirë për kampionët në fuqi të Premier Ligës.
Pavarësisht dëmtimeve që kanë kufizuar performancën e tij në muajt e fundit, De Brujne mbetet një futbollist thelbësorë në mesfushë dhe një lider në dhomat e zhveshjes.