Drejtori i Leverkuzenit beson se Florian Virtz do të qëndrojë te Bajeri edhe përtej verës

Drejtori i Bajer Leverkuzenit, Simon Rolfs, ka shprehur besimin se klubi mund të ruajë shërbimet e trajnerit Xabi Alonso dhe mesfushorit Florian Virtz edhe përtej verës. Pavarësisht lidhjeve të forta me Real Madridin, Rolfs beson se Alonso dhe Virtz janë të lumtur në klub dhe ka të ngjarë të qëndrojnë.

“Ne mendojmë se kemi shanse për të mbajtur trajnerin Xabi Alonso dhe Florian Wirtz në klub edhe pas afatit kalimtar veror. Të dy kanë kontrata dhe ndihen rehat në klub gjë që na bën të besojmë se do të qëndrojnë”, deklaroi drejtori gjerman.

Lidhur me një marrëveshje të re të mundshme për Virtz, Rolfs deklaroi se klubi duhet ende të sqarojë disa detaje. Virtz ka qenë një lojtar kyç për Bajer Leverkusen, dhe paraqitjet e tij thuhet se kanë tërhequr vëmendjen e Real Madridit, por edhe të top klubeve të tjera evropiane.

Ndërsa komentet e Rolfes sugjerojnë se Bajer Leverkuzeni është optimist për mbajtjen e Alonsos dhe Virtzit, klubi ka të ngjarë të përballet me konkurrencë të ashpër nga Real Madrid në afatin kalimtar të verës.