Një tjetër lojtar i Real Madridit do të humb duelin ndaj Man. Sitit

Real Madridi do të udhëtojë në Angli për duelin ndaj Man. Sitit me disa mungesa të theksuara. ‘Los Blancos’ e mbajtën epërsinë prej një pikë në krye të La Ligas pasi ekipi i Karlo Ançelottit luajti baras me rezultat 1-1 në vikend ndaj Atletiko Madridit.

Ançelotti nuk konfirmoi ndonjë lëndim të ri në konferencën pas ndeshjes madje dje (e diel) ai publikoi listën e lojtarëve të ftuar për këtë takim Sidoqoftë, ai ka marrë tashmë një lajm të keq, pasi përveç Antonio Rudiger që është e sigurt se nuk do të luajë në ‘Etihad’, atij tashmë i është bashkuar edhe Lukas Vazkez.

Ky i fundit fillimisht ishte në mesin e lojtarëve të ftuar, por tani që lista është përditësuar me t’u marrë vesh lajmi për lëndimin e tij, spanjolli do të jetë për dy javë jashtë fushave. Nga ndeshja me Atletiko Madridi, tekniku italian pritet të mbajë Raul Asension dhe Aurelien Tçouamenin në qendër të mbrojtjes

Treshja e sulmit do të mbetet e pandryshuar, por jo edhe mesfusha, veçanërisht pasi Fede Valverde tani do të kalojë në krahun e djathtë të mbrojtjes. Luka Modriç mund të marrë mundësinë për të luajtur si titullar shkaku i përvojës së tij në këto ndeshje, pasi ai e nisi nga banka rezervë në derbin e Madridit.