VIDEO / Një nga kartonët e kuq më të çmendur në historinë e Ligës së Kampionëve
Rafael Toloi, mori një karton të kuq në minutën e 87-të të ndeshjes kundër Klub Brizhit, në kuadër të ‘play-off’ të Ligës së Kampionëve dhe shumë e konsiderojnë si një nga më të çmendurit në historinë e kësaj gare.
Pasi Maksim De Kujper u përpoq të shpërqendronte Toloin gjatë një rivënieje, ky humbi durimin, tentoi ta godiste me top, humbi mundësinë dhe më pas e sulmoi dhe e rrëzoi në tokë.
Gjyqtari Feliks Zvajer i tregoi menjëherë një karton të kuq dhe skena u bë virale dhe është me të vërtetë një nga më të çmendurat e parë ndonjëherë në Ligën e Kampionëve.
🇩🇪🇮🇹🇧🇪 EITA! O árbitro alemão Felix #Zwayer até tentou conter a ira do ítalo-brasileiro, Rafael #Tolói (34), da Atalanta, que se estressou seriamente com o jogador do Club Brugge, no fim da partida, na derrota por 3 a 1. #UCL pic.twitter.com/vAmmpIeRne
— Fussball Brasil (@FussballBR) February 19, 2025
Toloi, si kapiteni dhe lojtari më me përvojë në skuadër, duhet të kishte mbajtur gjakftohtësinë, por përkundrazi i “humbi” krejtësisht kokën.
Ndryshe, Atalanta u mposht në shtëpi nga Klub Brizh me rezultat 3-1 dhe me rezultat të përgjithshëm 5-2 në dy ndeshjet e ‘play-off’ duke u eliminuar nga Liga e Kampionëve.
