Broja në qendër të “luftës” së madhe mes 3 klubeve nga Premier Liga
Armando Broja është në qendër të një beteje mes tre klubeve të Ligës Premier që e duan transferimi e tij që në janar. Sulmuesi i Çellsit ka luftuar për minuta këtë sezon dhe nuk ka arritur të bëjë një ndikim nën drejtimin e Maurisio Poketinjos.
Broja, 22 vjeç, ka shënuar vetëm dy gola në 17 paraqitjet e tij këtë sezon, ku njëri erdhi në Premier Ligë dhe tjetri në FA Cup. Sulmuesi shqiptar është përdorur kryesisht nga stoli, gjë që ka bërë që ai të luajë vetëm për 24 për qind të minutave të disponueshme këtë sezon.
“The Athletic” ka pohuar se sulmuesi tani mund të largohet nga “Stemford Brixh”, jo si huazim, por me një marrëveshje të përhershme, pasi Çellsi i beson Kristofer Nkunku që pritet të kthehet së shpejti nga lëndimi. Uest Hemi, Vulverheptoni dhe Fulhami janë ndër klubet e Ligës Premier që janë të interesuara për nënshkrimin e sulmuesit shqiptar.
Broja shkëlqeu gjatë një huazimi te Sautemptoni për sezonin 2021/22, ku shënoi 9 gola në 38 paraqitje për Saints.
