Gjelat e detit ia mësyjnë postierit në Masaçusets, nuk e lënë të kryej punën – kamerat e sigurisë regjistrojnë gjithçka
Një postier në Masaçusets nuk do t’i shikojë më gjelat në të njëjtën mënyrë, pasi një tufë e tyre iu vërsulën ndërsa ai ishte duke bërë punën e tij.
I gjithë konfrontimi u kap nga kamerat e sigurisw tw njw shtwpie private, transmeton Telegrafi
Treshja e gjelave të detit takuan postierin të premten pasdite në Hyannis, Masaçusets.
Që nga momenti që doli nga kamioni i tij i dërgesave, Wayne White mund të dëgjohej duke u bërtitur zogjve për t’u larguar.
Megjithatë, as bora, as shiu – as gjelat, me sa duket – nuk do ta ndalonin postierin të bënte dorëzimin e tij.
Ai mori rrugën për në destinacion duke përdorur pakon që mbante për mbrojtje.
“Sapo dola, ata erdhën pas meje. Ju më patë duke u mbrojtur me kuti dhe çfarë tjetër”, tha White.
Wayne tha se gjelat nuk hiqnin dorë nga ndjekja e tij ndërsa ai bëri disa ndalesa.
“Sa herë që lëvizja kamionin, gjelat e detit më ndiqnin”, tha ai.
Por White përfundimisht u kthye në kamionin e tij dhe tani ka mjaft histori për të treguar. /Telegrafi/
