E përdorën imazhin e saj për të shitur pilula dobësimi, reagon Fifi
Këngëtarja e njohur shqiptare, Filloreta Raçi – Fifi, është përballur me një situatë të pakëndshme, pasi imazhi i saj është përdorur pa leje për të reklamuar produkte false.
Lajmi u bë i ditur nga vetë artistja përmes një videoje në Instastory, ku ajo sqaroi ndjekësit se nuk ka përdorur kurrë produkte të tilla dhe se trupi i shfaqur në reklamë nuk është i saj.
“Më kanë dërguar shumë mesazhe duke më pyetur nëse këto hapa më kanë bërë efekt apo jo. Dua të them qartë se ai postim është plotësisht i rremë! Ai trup nuk është i imi, ata kanë marrë vetëm fytyrën time dhe e kanë montuar mbi një trup tjetër. Betohem në Zot që nuk kam përdorur asnjë lloj hapi. Fytyra është e imja, por trupi jo”, u shpreh ajo e revoltuar.
Fifi gjithashtu publikoi fotot origjinale në Instagram për të vërtetuar se reklama ishte manipulim i pastër dhe një tentativë për të mashtruar publikun në emër të saj.
Kjo situatë ka shkaktuar reagime të shumta mes fansave të këngëtares, të cilët kanë dënuar ashpër abuzimin me imazhin e saj, ndërsa Fifi u bëri thirrje ndjekësve të mos bien pre e mashtrimeve të tilla.
“Ka folur zëdhënësi, e ka sqaruar edhe ministri”,
Kryeministri i vendit refuzoi të ndalet për t’iu përgjigjur pyetjeve të gazetarëve lidhur me një deklaratë të ministrit për Komunitete
Shtrenjtohen dukshëm çmimet e derivateve të naftës, KRRE
Komisioni Rregullator për Energjetik ka publikuar çmimet e derivateve të naftës, ndërsa ashtu edhe sic pritej ka rritje të dukshme
Policia konfiskon një dron në Muqibabë, rasti nën
Policia e Kosovës ka njoftuar për një rast të mbajtjes në pronësi, kontroll apo posedim të paautorizuar të armës, si
