Muriqi pas rinovimit me Mallorca-n: Vendimi më i mirë i jetës sime
Sulmuesi kosovar Vedat Muriqi është shprehur i lumtur me rinovimin e kontratës me Mallorac-n.
Ylli i ‘Dardanëve ka firmosur kontratën e re me Mallorcan të vlefshme deri në vitin 2029.
Muriqi tha se rinovimi me Mallorcan është vendimi më i mirë i karrierës së tij.
“Mbi të gjitha, ndiej krenari dhe kënaqësi. Është një nder të vazhdoj ta jetoj këtë ëndërr me këta njerëz dhe të rritem me ta. Do të thotë shumë për mua. Të qëndroj këtu është padyshim vendimi më i mirë i jetës sime. Nuk do ta ndryshoj kurrë këtë ëndërr, sepse Mallorca është ëndrra më e bukur që kam pasur ndonjëherë”, u shpreh Muriqi.
Që nga ardhja në Mallorca në vitin 2022, Muriqi është kthyer në një nga figurat kyçe të skuadrës, si brenda fushës, ashtu edhe jashtë saj. Me performancat e tij të qëndrueshme dhe lidershipin në sulm, ai ka fituar zemrat e tifozëve dhe respektin e klubit.
