Forcim i bashkëpunimit mes Doganës dhe MPB-së për siguri më të lartë kufitare

Sot është zhvilluar një takim pune mes zëvendësdrejtorit të Doganës së Maqedonisë së Veriut, z. Mustafë Dauti, dhe zëvendësministrit të Punëve të Brendshme, z. Astrit Iseni.

Gjatë takimit u diskutua për forcimin e bashkëpunimit ndërinstitucional në funksion të rritjes së sigurisë kufitare, parandalimit të kontrabandës dhe luftës kundër trafikimit të paligjshëm. Një theks i veçantë iu kushtua shkëmbimit të të dhënave në kohë reale ndërmjet dy institucioneve, me qëllim të përmirësimit të efikasitetit në terren.

Zv.drejtori Dauti vlerësoi qasjen konstruktive dhe bashkëpunuese të zv.ministrit Iseni, si dhe mbështetjen e tij për thellimin e dialogut profesional ndërmjet strukturave doganore dhe atyre të sigurisë.

Ky takim konfirmon përkushtimin e përbashkët për ngritjen e standardeve në fushën e sigurisë dhe kontrollit kufitar në vend.