Platforma Kombëtare – Taravari bën thirrje për bashkim politik dhe qytetar

Kryetari i Aleancës për Shqiptarët, Arben Taravari, duke prezantuar pikën e fundit të Platformës Kombëtare, u bëri thirrje partive politike dhe qytetarëve shqiptarë që të bashkohen rreth kësaj nisme.

“Ftojmë të gjitha partitë politike dhe qytetarët shqiptarë të bashkohen në përkrahje të saj, për të ndërtuar një të ardhme të fortë, të drejtë dhe të qëndrueshme për shqiptarët në Maqedoninë e Veriut,” deklaroi Taravari.

Ai theksoi se platforma synon decentralizim të vërtetë, një administratë të pastër dhe forcim të sigurisë publike, si elemente kyçe për barazi dhe zhvillim të qëndrueshëm.

“Zhvillimi i qëndrueshëm nis nga fuqizimi i komunave tona, nga një administratë meritore dhe nga siguria e qytetarëve tanë,” shtoi lideri i ASH-së.

Me këtë, Taravari përmbylli prezantimin e Platformës Kombëtare të Aleancës për Shqiptarët, duke e vendosur theksin te uniteti politik dhe qytetar për arritjen e synimeve kombëtare. Flaka Media