Partia e Selës: Izet Mexhiti e pranoi se Çairin e ka shkatërruar sikur tërmeti Shkupin, s’mund të jetë “shpëtimi”
Ish-kryetari i Komunës së Çairit, Izet Mexhiti, pranoi vetë dëmin që i ka shkaktuar komunës që ka udhëhequr për vite me radhë, duke krahasuar gjendjen e Çairit me Shkupin pas tërmetit famëkeq. Ai tha se zona ka nevojë për rindërtim dhe shpëtim.
Sipas Aleancës për Shqiptarët – Krahu i Ziadin Seles, ky rindërtim nuk mund t’i besohet “atij që e shkaktoi” dhe as ekspertëve që sjell ai:
“T’i besosh rindërtimin e Çairit njeriut që e shkaktoi gjithë atë katrahurë është njëjtë sikur të besosh se një tërmet i ngjashëm do ta rregullonte Shkupin.”
Aleanca për Shqiptarët shton se nuk mund të shpresohet tek një person që dyshohet për keqpërdorim të mbi 250 milion eurove për ndërtimin e 150 ndërtesave ilegale, të cilat jo vetëm shkelin ligjin, por rrezikojnë jetën e qytetarëve:
“Shkupi i vjetër para kaosit dhe mbingarkimit duhet të shpëtojë nga udhëheqësia e kriminalizuar dhe korruptuar që e ka kapur dhe e trajton si pronë të vetën.”
Aleanca për Shqiptarët thekson se eksperienca e kaluara e Mexhitit tregon se ai nuk mund të jetë zgjidhja për rindërtimin dhe zhvillimin e Çairit.
