Mendi Qyra formoi ekipin e shtabit zgjedhor me në krye Dr.Jetmir Ziba
Kandidati i pavarur për Komunën e Strugës, Mendi Qyra, ka njoftuar formimin zyrtar të kryesisë së shtabit zgjedhor për zgjedhjet lokale të 19 tetorit.
Në krye të strukturës së re është zgjedhur Dr. Jetmir Ziba si kryetar, ndërsa Resul Çollaku dhe Adem Nuroski janë emëruar nënkryetarë të shtabit.
“Dr. Ziba, bashkë me dy nënkryetarët, do t’i prijë ekipit tim drejt fitores më 19 tetor, me një vizion të qartë menaxherial për katër vitet e ardhshme. Fushata jonë është e qytetarëve, dhe fuqia jonë buron nga dëshira dhe nevoja e përbashkët për ndryshim,” shkruan kandidati i pavarur, Mendi Qyra.
