Paul Williams: Kryeministri Bukoshi përpiqej të formonte FARK-un me oficerë shqiptarë
Në Gjykatën e Hagës, dëshmitari Paul Williams deklaroi se kryeministri i atëhershëm i Qeverisë në ekzil, Bujar Bukoshi, kishte bërë përpjekje për krijimin e Forcave të Armatosura të Republikës së Kosovës (FARK).
Williams këtë deklarim e bëri duke iu përgjigjur pyetjeve shtesë të mbrojtjes së Hashim Thaçit, avokatit Luka Mishetiq, raporton “Betimi për Drejtësi”.
“Unë e dija se kryeministri Bukoshi përpiqej të krijonte FARK-un, bazuar fillimisht në Shqipëri, i përbërë nga oficerë shqiptarë ose oficerë që kishin shërbyer në Forcat Ushtarake të Jugosllavisë,” tha dëshmitari.
Ai shtoi se Bukoshi nuk i kishte kërkuar kurrë këshilla lidhur me këtë nismë, duke theksuar se FARK ishte një iniciativë e LDK-së për të krijuar një krah të veçantë lufte.
